سەرۆكی كوتلەی برایەتیی و پێكەوە ژیان له جڤاتی پارێزگەی موسڵ رایگەیاند: كە سێ‌ هەزار كەرەڤانە دابین كراون بۆ ئاورەكانی ئەوانەی خانوەكانیان تەقێندراونەوە لەلایەن رێكخراوی تیرۆریسیتی داعش. له دەڤەری شنگال و زۆمار ورەبیعە دگەل هەموو خزمەتگوزاریێن دێ‌ یێن ژیانێ‌، پیشبینێ‌ دهێتە كرن دەمێ‌ پرۆسیەیا خواندنێ‌ هەرێما كوردستانێ‌ دووماهیی دهیت هزارەها وەلاتی ڤەگەرنە سەر مالێن خوە دەڤەرێن رزگاركری.



سەیدو چەتۆ حەسۆ سەرۆكێ‌ كوتلا برایەتیی و پێكڤە ژیانێ‌ ل جڤاتا پارێزگەها موسلێ‌ دیار كركو 1500 كەرەڤانە دێ‌ ل ناحیا سنوونێ‌ ل دەڤەرا شنگال هێنە دانان و 750 كەرەڤانە دێ‌ ل ناحیا زۆمار هێنە دانان و 750 ژێ‌ دێ‌ ل ناحیا رەبیعە هێنە دانان ئەڤ كەرەڤانە دێ‌ تایبەت بن بۆ وان خێزانێن مالێن وان هاتینە سوتن و پەقاندن ژلایێ‌ رێكخراوا تیرورستی داعش ڤە.



سەیدو چەتۆ گۆت: تیرۆرستێن داعش گەلەك خانێن وەلاتیان پەقاندینە ژبەر ڤی چەندی ژێ‌ خەلك نەشاینە بڤەگەرنە هەر دەمێ‌ جهی ئاكنجیبوونی هەبیت و خزمەتگوزاری هەبن ئاوارە حەز دكەن ڤەگەرنە سەر مال ومولكێن خوە ئەم وی باوەری داینە هەر دەمێ‌ پرۆسیەیا خواندنی ل هەرێما كوردستانێ‌ ب دووماهیی هات دێ‌ هزارەها وەلاتی ڤەگەرنە سەر مالێن خوە چونكو نوكە زارۆیێن خەلكێ‌ ل قوتابخانەیان دخۆینن نەشین ڤەگەرن لەورا ژێ‌ ئەنجومەنێ‌ پارێزگەها موسلێ‌ هزر ددانانا سێ‌ هزار كەرەڤانە دا كریە بۆ وان خێزان ڤەدگەرن ومالێن وان پەقاندنی بن.



چەتۆ گۆت: نوكە پتر ژ پێنچ هزار وەلاتیان یێن ڤەگەریاینە سەر مالێن خو ل دەڤەرا شنگال ل دەڤەرا زۆمار ژێ‌ رێژا پتر ژ 90% وەلاتی یێن ڤەگەریان ل دەڤەرا رەبیعە ژێ‌ رێژا پتر 90% یێن ڤەگەریان ل دەڤەرا وانكێ‌ ژێ‌ گەلەك وەلاتی ڤەگەریاینە.








باسنيوز