ئێمه‌ ئێستا له‌ ده‌روازه‌كانی موسڵین و ئاماده‌ین بۆ گێرانێ رۆڵێكی سه‌ره‌كی له‌ ده‌رپه‌ڕاندنی داعش له‌ دووه‌م گه‌وره‌ترین شاری عێراق . له‌ دوو ساڵی رابردووشدا پێشوازیمان له‌ سه‌دان هه‌زار ئاواره‌ كردووه‌ . به‌هه‌مان شێوه‌ له‌كاتی رۆژه‌ ره‌شه‌كانی شه‌ڕی تایفه‌گه‌ری له‌ سه‌نته‌ر وباشووری عێراقیش هه‌مان كارمان كرد . هه‌رێمی كوردستان ئێستا باوه‌شی بۆ ژماره‌یه‌كی زۆری مه‌سیحی كردووه‌ته‌وه‌ كه‌ له‌ موسڵ وبه‌غدا رایانكردووه‌ و حكومه‌تی به‌غداش نه‌یتوانی بیانپارێزێت.
به‌كورتی هه‌وڵمانداوه‌ هاوكاری هه‌موو لایه‌نه‌كان بكه‌ین و به‌ سنگێكی فراوانه‌وه‌ پێشوازیان لێ بكه‌ین . ئێمه‌ زۆر سه‌بروئاراممان گرت ، به‌ڵام رێككه‌وتنه‌ ئابوورییه‌كانمان كه‌ سه‌رچاوه‌ی سه‌ره‌كی بژێوی ئێمه‌ بوون ، رێزیان لێ نه‌گیرا . له‌ چوارچێوه‌ی ئه‌و رێكه‌وتنانه‌دا ئێمه‌ وه‌كو پێكهاته‌یه‌كی عێراق ، ئه‌ركمان له‌ سه‌ر بوو، به‌ڵام رێز له‌ مافه‌كانمان نه‌گیرا.