بە توندی ئەو کارە تیرۆریستیەی دوێنێ هەینی ٢٥ی ئازار سەرکۆنە دەکەین کە یاریگایەکی تۆپی پێی لە شارەدێی ئەسکەندەریەی سەر بە پارێزگای بابل کردە ئامانج و لە ئەنجامدا ژمارەیەک لە هاووڵاتیانی سڤیل و بێگوناهی کردە قوربانی. هاوخەمی و سەرەخۆشیمان بۆ خانەوادە و کەسوکاری شەهیدانی ئەو ڕووداوە ناخۆشە ڕادەگەیەنین و هیوای چاکبوونەوەی خێرا بۆ بریندارەکان دەخوازین.

ئەم کردە تیرۆریستیانەی کە نیشانەی دڕندەیی و بێهیواییی تیرۆریستان و کاردانەوەیەکی ترسنۆکانەی شکستە یەک لە دوا یەکەکانیانە لە بەرەکانی شەڕدا، دەبێ زیاتر هانی هەماهەنگی و هاوکاری لە نیوان هەرێمی کوردستان و عێراقدا بدات بۆ تێکشکاندن و بنەبڕکردنی سەرتاسەریی تیرۆریستان کە چارەنووسیان هەر شکست و ڕیسوابوونە.

ئەنجومەنی وەزیرانی کوردستان