سەرچاوەیەک لە هێزەکانی پارتیی ئازادیی کوردستان ڕایگەیاند، بەرەبەیانی ئەمڕۆ لە میحوەری ڕۆژاوای کەرکووک هێزەکانی پێشمەرگەی پێشەوای پارتی ئازادیی کوردستان، بەرپەرچی هێرشێکی تیرۆریستانی داعشیان دایەوە کە لە ڕیازەوە هاتبوون و گورزێکی گەورەیان لێ وەشاندن و کومەڵێک کوژراو و برینداریان پێ جێ‌هێشتوون.

سەرچاوەیەک لە هێزەکانی پارتیی ئازادی کوردستان کە نەیویست ناوی ببرێت بە ماڵپەڕی فەرمیی پارتیی دیموکراتی کوردستان رایگەیاند کە، بەرەبەیانیی ئەمڕۆ چوارشەممە، تیرۆریستانی داعش لە ناوچەی ڕیازەوە بە کۆکردنەوەی پاشماوەی چەکدارەکانیان بۆ قەرەبووکردنەوەی شکستەکانی رۆژانەی پیشوویان و بە خەیاڵ تۆڵەکردنەوەی تاوانباری کوژراو (ئەبو مەسعەب عەبدوڵڵای شەرعی) هێرشێکیان بۆ سەر قەڵای خۆڕاگری رۆژهەڵات هێنا، بەڵام پیشمەرگە دەستەبەجێ و بەرپەرچیان دانەوە و تێک‌شکێنران و زیانی گیانی و ماڵیی زۆریان بەرکەوت.

بە گوتەی زانیاریی سەرچاوەکە، لەمشەڕەدا کە زیاتر لە سەعاتێکی خایاند، هێزەکانی پێشمەرگە بێزیان بوون.