ئەمڕۆ پێنجشەممە 5ـی 2ـی 2015 بەڕێز مەسعود بارزانی سەرۆكی هەرێمی كوردستان بە یاوەریی شاندێكی هەرێمی كوردستان بە مەبەستی بەشداریكردن لە كۆنفڕانسی ئاساییشی جیهانی لە شاری میونیخ لەڕێگەی فڕۆكەخانەی نێودەوڵەتیی هەولێر بەرەو وڵاتی ئەڵمانیا بەڕێ كەوت.

شایانی گوتنە سەرۆكی هەرێمی كوردستان بە فەرمی بانگهێشتی ئەم كۆنفڕانسە كراوە. لەو كۆنفڕانسەدا كە چەند ڕۆژێك دەخایەنێت، ژمارەیەكی زۆری سەرۆكی وڵاتان و سەرۆك وەزیران و پسپۆڕانی نێودەوڵەتی بەشدار دەبن. بڕیاریش وایە سەرۆك بارزانی لە كۆنفڕانسەكەدا وتارێك پێشكەش بكات و ژمارەیەك دیدار و چاوپێكەوتن و كۆبوونەوەی لەگەڵ بەرسانی وڵاتانی بەشداربووی كۆنفڕانسەكە هەبێت.