بریكاری وەزارەتی دارایی حكومەتی هەرێمی كوردستان رایدەگەیەنێت، نووسراوەكەی بەغدا لەبارەی خەرجكردنی مووچەی فەرمانبەرانی هەرێمی كوردستان گەیشتووە، بەڵام پارەكە نەهاتووە.

رەشید تاهیر، بریكاری وەزارەتی دارایی حكومەتی هەرێمی كوردستان رایگەیاند، نووسراوی فەرمی حكومەتی عێراق لەبارەی سەرفكردنی مووچەی فەرمانبەرانی هەرێمی كوردستان گەیشتووەتە هەرێمی كوردستان.

بەڵام رەشید تاهیر گوتیشی، بەهۆی پشووی هەینی و شەممەوە، تاوەكو ئێستا پارەكە نەگەیشتووەتە هەرێمی كوردستان و چاوەڕێ دەكەین ئاخۆ سبەی یەكشەممە دەگات یاخود نا.

بریكاری وەزارەتی دارایی دەشڵێت، هەركاتێك پارەكە گەیشت، ئەوا خشتەی دابەشكردنی مووچە بەسەر فەرمانبەران گۆڕانكاری بەسەردا دێت و بە خێرایی مووچەی وەزارەتەكان دابەش دەكەین.








رووداو