لەدرێژەی كار و چالاكییەكانی دەزگای خێرخوازیی بارزانی لە كامپی پەناخوازانی رۆژئاوای كوردستان، بەبۆنەی 8ی مارس رۆژی جیهانی ئافرەتان، چەندین چالاكی جۆراوجۆری وەك میوزیك و ئاهەنگ و شانۆو هەڵپەڕكێی بۆ دانیشتوانی كەمپەكان رێكخست.
رۆژی 8/3/2014 لە بەردەوامی چالاكییەكانی دەزگای خێرخوازیی بارزانی لەكامپەكاندا، بەمەبەستی بەسەربردنی كاتێكی خۆش و دووركەوتنەوە لە نەهامەتی و ژیانی ئاوارەیی، بەهاوكاری رێكخراوی چاودێری مافی مرۆڤی كوردی ئەمەریكی، لەكامپی كەورگۆسك هەڵدەستێت بە پێشكەشكردنی چەندین چالاكی، لەوانە: میوزیك، ئاهەنگ، شانۆ، شیرینەمەنی و بەرنامەی پێشبڕكێی زانیارییەكان. هاوكات لەو ئاهەنگەدا چەندین وتار لەبارەی رۆژی جیهانی ئافرەتانەوە پێشكەش دەكرێت.
لەلایەكی دیكە هەر هەمان رۆژ و بەبۆنەی 8ی مارسەوە لە كامپەكانی باسرمەو قوشتەپە، چەندین چالاكی جۆراوجۆر بەبۆنەی هەشتی مارسەوە بەهاوكاری رێكخراوی iom بەڕێوە دەچێت.