له‌ شاره‌وانیه‌كی ئامه‌د تابلۆیه‌كى چوار زمانى هه‌ڵواسرا. له‌ مباره‌یه‌وه‌ سه‌رچاوه‌كانى هه‌واڵ بڵاویانكرده‌وه‌ شاره‌وانى شارۆچكه‌ى سور له‌ ئامه‌د تابلۆیه‌كى به‌زمانه‌كانى كوردى و توركى و ئه‌رمه‌نى و سریانى ئاماده‌كرد و له‌سه‌ر ته‌لارى شاره‌وانى هه‌ڵیواسى.

هه‌ر له‌و چوارچێوه‌یه‌دا نه‌قشى سایار جێكرى سه‌رۆكى شاره‌وانى سور ئاماژه‌ى به‌وه‌دا بۆ یه‌كه‌م جاره‌ تابلۆكه‌یان به‌چوار زمان هه‌ڵده‌واسن و ئه‌وه‌شى گووت ئه‌وخزمه‌ته‌ وه‌ك به‌خششێك نابینن به‌ڵكو وه‌ك ئه‌ركێكى مێژوویى و مرۆیى و ئیسلامى سه‌یرى ده‌كه‌ن.

جێگاى ئاماژه‌ بۆكردنه‌ پێشتریش شاره‌وانى گه‌وره‌ى ئامه‌د تابلۆیه‌كى به‌هه‌ر دوو زمانى كوردى و توركى هه‌ڵواسیبوو.