لەگوندی پیر ئەحمەدی سەر بە قەزای خورماتوو تەرمی دوو هاووڵاتی دۆزرایەوە كەوا ئاسەواری گوللە بەگیانیانەوە بووە.
سەرچاوەیەك لەسەنتەری چالاكیە هاوبەشەكانی قەزای خورماتوو راگەیاند: لەسەر رێگای گشتی خورماتوو – تكریت و لەنزیك گوندی پیر ئەحمەدی سەر بەقەزای خورماتوو چەند چەكدارێكی نەناسراو هەڵدەكوتنە سەر دوو هاووڵاتی و دەسترێژی گوللەیان لێدەكەن و دەیانكوژن.
راشیگەیاند: دوای لێكۆڵینەوە لەو رووداوە بۆمان دەركەوت كوژراوەكان لەلایەن گروپی تیرۆریستی داعشەوە كوژراون و خەڵكی شاری موسڵن و لەئێستادا تەرمەكانیان رەوانەی پزیشكی دادوەری كراوە.