ئه‌مڕۆ 10 ساڵ به‌ سه‌ر یه‌كێك له‌و تاوانه دڕندانه‌دا تێپه‌ڕ ده‌بێت كه‌ دوژمنانى ئارامى و سه‌قامگیرى و پێشكه‌وتنه‌كانى هه‌رێمى كوردستان به‌ هێرشێكى تیرۆرستیى خۆكوژى له‌ 1ى شوباتى 2004 و له‌ یه‌كه‌م ڕۆژى جه‌ژنى قورباندا له‌ هه‌ولێر كردیانه‌ سه‌ر گه‌لى كوردستان.

تیرۆرستان به‌و هێرشه‌یان كه‌ كردیانه‌ سه‌ر هه‌ردوو باره‌گاى لقى دووى پارتى دیموكراتى كوردستان و مه‌ڵبه‌ندى سێى یه‌كێتیى نیشتمانیى كوردستان و ده‌سته‌یه‌كى بژاره‌ى له‌ سه‌ركرده‌ و به‌رپرسان و كۆمه‌ڵێك له‌ هاووڵاتیانى كوردستانیان شه‌هید و بریندار كرد، ویستیان به‌ر به‌ پێشكه‌وتنه‌كان و پرۆسه‌ى ئاوه‌دانكردنه‌وه‌ و بنیاتنانه‌وه‌ى كوردستان بگرن، به‌ڵام به‌پێچه‌وانه‌وه‌ خوێنى ئه‌و شه‌هیده‌ سه‌ربه‌رزانه‌ بووه‌ هه‌وێنى كۆڵنه‌دان و به‌رده‌وامى و برده‌ودانى زیاتر به‌ دابینكردنى سه‌قامگیرى و ئارامى و پێشكه‌وتن و په‌ره‌سه‌ندنى كوردستان له‌ هه‌موو ڕوویه‌كه‌وه‌.

له‌م یاده‌دا دروود و سڵاو بۆ گیانى پاكى شه‌هیدانى یه‌كى شوبات ده‌نێرین و سه‌رى ڕێز و نه‌وازشمان له‌به‌ردم گڵكۆى پیرۆزیان داده‌نه‌وێنین و په‌یمان بۆ هه‌موو شه‌هیدانى كوردستان دووپات ده‌كه‌ینه‌وه‌ كه‌ له‌ كاروانى پێشكه‌وتن و ئاوه‌دانكردنه‌وه‌ى كوردستان به‌رده‌وام ده‌بین.

نه‌مرى و سه‌رفرازى بۆ شه‌هیدان، هه‌میشه‌ یادیان به‌ زیندوویى ده‌مێنێته‌وه‌.



ئه‌نجومه‌نى وه‌زیرانى هه‌رێمى كوردستان

1ى شوباتى