بە پێی ئامارێكی بەرێوەبەرایەتی ئاسایشی گەرمیان لە ماوەی ساڵی 2013دا، لە لایەن هێزەكانیانەوە لە سنووری ناوچەی گەرمیان 21 كەس بە تۆمەتی ساختەكاری دەستگیر كراون و حەوت كەس لەوانە حوكمدراون.

لێپرسراوی راگەیاندنی ئاسایشی گەرمیان مولازم عوسمان عەبدولكەریم بە ئاژانسی هەواڵی پەیامنێری راگەیاند؛ لە ساڵی رابردوودا لە ناوچەی گەرمیان لە لایەن هێزەكانیانەوە، لەبەر ساختەكاری لە بەڵگەنامەی دەوڵەت و دراو و مۆر و نوسراو، حەوت كەس دەستگیر كراون كە یەكێكیان كارتی نیشتەجێبوونی ساختەكردبوو. مولازم عوسمان ئاماژەشیدا، بەهۆی ئەو ساختەكارییەوە 21 كەس دەستگیركراون و حەوت كەسیان حوكمدراون.

دیارترین رووداوی ساختەكاری لە ساڵی 2013 لە ناوچەی گەرمیان، دەستگیركردنی باندێكی ساختەكاری پارە بوو، كە چەند كەسێكیان ئەندامی یەك خێزان بوون و لە بەغدادەوە پارەی ساختەیان هێنابوو بۆ ئەوەی لە بازارەكانی گەرمیان ساغی بكەنەوە.