به‌ناوی خوای مه‌زن و دڵۆڤان

به‌رێزان سه‌رنووسه‌ر و ده‌سته‌ی نووسه‌ران و ته‌واوی ستافی رۆژنامه‌ی كوردستانی نوێ

سڵاو و رێز

یادی 22 ساڵه‌ی دەرچوونی رۆژنامه‌ی كوردستانی نوێ له‌ ئێوەی خۆشەویست پیرۆز ده‌كه‌م و هیوای سەرکەوتن و پێشکەوتنتان بۆ دەخوازم.

ئێستا لە سایەی خەبات و قوربانیدانی گەلەکەمان، وڵاتەکەمان بەرەو پێشەوە هەنگاو دەنێ و خەڵكی كوردستان ئومێدی زۆری بە ئایندەیە و حەزی لە پێشكەوتنە. پێشکەوتنەکانی بواری گەیاندنیش دەرفەتێکە بۆ ڕاگەیەندنکارانی کوردستان کە ڕۆڵی خۆیان بۆ وەدیهێنانی ئەو خواستەی گەلەکەیان ببینن و وێڕای بەرگرییکردن لە بیری نەتەوەیی و هوشیاریی گەلەکەتان، پەیامی تەبایی و ئاشتی و پێکەوەژیان بڵاو بکەنەوە.

کوردستانی نوێ ڕۆژنامەیەکی پێشکەوتووی کوردستانە و پابەندی پەیامی نەتەوەیی و نیشتیمانی بووە و ڕۆڵێکی گرینگی لە هوشیاریی گەلەکەماندا بینیوە.

دەستخۆشیتان لێ دەکەم و هیوای سه‌ركه‌وتنی زیاترتان بۆ ده‌خوازم.



مسعود بارزانی

سه‌رۆكی هه‌رێمی كوردستان

11/1/2014