لە لێدوانێكی تایبەت بە ماڵپەڕی فەرمی حكومەتی هەرێمی كوردستان سەفین دزەیی ووتەبێژی فەرمی حكومەت ئەو هەواڵەی رەت كردەوە كە لەچەند دەزگایەكی راگەیاندن لەسەر زاری بەڕێزیان بڵاو بۆتەوە گوایە رۆژانی 6 و 7ی مانگی یەك پشووی فەرمیە.

دزەیی گووتی وەك پێشتر لە ماڵپەری فەرمی حكومەت بڵاومان كردەوە كە رۆژانی 1 و 2 ی مانگی یەك پشووی فەرمیی دەبێت لەسەرجەم دامەزراوەكانی حكومەتی هەرێم. هەروا رۆژی 6/1/2014 پشووی فەرمی دەبێت بەبۆنەی جەژنی سوپا. رۆژی 7/1/2014 دەوامی فەرمی لەسەرجەم دام و دەزگاكانی حكومەت ئاساییە.