نێچیرڤان بارزانى و وهزیرى وزهى توركیا كۆ بوونهوه
له دیدارێكدا پهیوهندییهكانى ههرێمى كوردستان و عیراق لهگهڵ توركیا به تایبهتیش پهیوهندییهكانى ههولێر و ئهنقهره له بوارى وزه و ههردوو كهرتهكانى نهوت و گازدا خرانه بهر باس و ههردوولا جهختیان لهسهر پتهوكردنى پهیوهندییهكان و ههڵنانى ههر ههنگاوى كردهنى لهو بوارهدا له چوارچێوهى ئهو مافه یاساییانهى ههرێمى كوردستان كه له دهستوورى ههمیشهییى عیراقدا هاتوون؛ كردهوه.
سهرۆك وهزیرانى ههرێمى كوردستان و وهزیرى وزهى توركیا ههروهها تیشكیان خسته سهر پرۆژهى ناردنهدهرهوهى نهوتى ههرێمى كوردستان و گهیاندنى به بازاڕهكانى جیهان له ڕێگهى ئهو بۆرییه نهوتهى ههرێمى كوردستان كه به خاكى توركیادا تێپهڕ دهبێت و ههڵوێستى حكوومهتى فیدرالى عیراق و گفتوگۆكانى وهزیرى وزهى توركیا له بهغدا دهربارهى ئهم پرۆژهیه لهگهڵ بهرپرسانى عیراقى؛ تاوتوێ كران.
لهمبارهیهوه نێچیرڤان بارزانى ڕوونى كردهوه كه ههرێمى كوردستان له چوارچێوهى ئهو مافانهى له دهستوورى عیراقدا بۆ ههرێمى كوردستان هاتوون، لهپێناو سوود و بهرژهوهندیى تهواوى عیراق؛ نهوت و گازى خۆى دهگهیهنێته بازاڕهكانى جیهان و بۆ ئهم مهبهستهش دهرگاكانى گفتوگۆ ولێكگهیشتن لهگهڵ لایهنه عیراقییه پهیوهندارهكان كراوهن.
