دوای ئەنجام دانی نەشتەرگەریەك لە نەخۆشخانەی چۆمان بۆ مناڵێكی تەمەن 18مانگ، مناڵەكە بەهۆش خۆی نایەتەوەو پێویستی بە وە دەبێت كە بەكەمتر لە یەك كاتژمێر بگەیەنرێتە بەشی ئار سی یوو لە نەخۆشخانەی هەولێری فێركاری و گواستنەوەشی بە ئامبوڵانس پێویستی بە 3 كاتژمێر كات دەبوو، بۆیە لە رێگەی فرۆكەوە مناڵەكە گواسترایەوەو لە مردن رزگاری دەبێت.
دكتۆر ئەحمەد حەسەن بەرێوەبەری تەندروستی چۆمان راگەیاند: سەرجەم ئەو كەسانەی نەشتەر گەریان بۆ ئەنجام دەدرێت نابێت پێش 12 كاتژمێر هیچ خۆراكێك بخۆن و دایكی ئەو مناڵەش لەوە ئاگادار كرابوویەوە، بەڵام شیری پێ دابوو بۆیە لە كاتی ئەنجام دانی نەشتەر گەری بەهۆش خۆی نەهاتەوەو پێویستی بەوە هەبوو كە بە كەمتر لە یەك كاتژمێر بگەیەنرێتە بەشی (R S U) لە نەخۆشخانەی فێركاری هەولێر، بۆیە لە رێگەی وەزارەتی ناوەخۆی حكومەتی هەرێم فرۆكە بۆ گواستنەوەی ئەو مناڵە بەكار هێنراو بە كەمتر لە نیو كاتژمێر لە چۆمان گەیەنرایە هەولێرو مناڵەكە لە مردن رزگاری بوو