لە كاتێكدا هاوپەیمانیی نیشتمانیی سووریا، بەرەی نوسرە بە گرووپێكی سەر بە ڕژێمی ئەسەد ناو دەبات، سوپای ئازادی سووریا ئەو هێزە وەك یەكێك لە هێزەكانی شۆڕشی سووریا لەقەڵەم دەدات. جێگری سەرۆكی سوپای ئازادیش دەڵێت، PYD هەوڵی هەڵگیرسانی شەڕی كورد و عەرەبی دا، بەڵام ئەوان خۆیان لێی دوور گرت و حكوومەتە كاتییەكەیش بە هاوكاریی بەشار ئەسەدە.

جێگری سەرۆكی سوپای ئازادی سووریا، مالیك كوردی، ڕەتی دەكاتەوە هێچ پێوەندییەك لە نێوان نوسرە و ڕژێمی سووریادا هەبێ. ئەو بە ژمارەی ئەمڕۆی هەفتەنامەی \"وشە\""ی ڕاگەیاندووە، بەرەی نوسرە هێزێكە لە {ِیزی شۆڕشی سووریادا و كار بۆ ڕووخاندنی ڕژێمی بەشار ئەسەد دەكات، بەڵام بەشێك نییە لە سوپای ئازاد.

مالیك كوردی ڕوونی كردەوە، \""بەرەی نوسرە خاوەن ئایدیۆلۆژیایەكی ئایینین، بەڵاَم بەو مانایە نییە كە دژی شۆڕش بن؛ دەبێ بزانین كە بەرەی نوسرە لە دەوڵەتی ئیسلامی لە عێراق و شام جیاوازە.\""

ئەو ئاشكرایشی دەكات كە زۆر جار لە ناوچە كوردییەكان هێزەكانی یەكینەكانی پاراستنی گەل YPGـی سەربە پارتیی یەكێتیی دیموكرات كە باڵێكی پەكەكەیە لە سووریا، هێرشیان كردووەتە سەر سوپای ئازاد، بەڵام ئێمە خۆمان لە شەڕی ئەوان دوور گرتووە، تا ڕێگری لە هەڵگیرسانی شەڕ لە نێوان كورد و عەرەب بكەین.\""

جێگری سەرۆكی سوپای ئازادی سووری، هاوكات PYD وەكو هێزێكی جیاخواز ناو برد و گوتی \""ڕاگەیاندنی بەڕێوەبردنی كاتی لەم دواییەدا لە لایەن PYDـەوە نیازە شاراوەكانی ئەو حیزبە ئاشكرا دەكات كە بریتییە لە پارچەكردنی خاكی سووریا، ئەوە نە خواستی گەلی كوردە و نە خواستی گەلی سووریایە بە گشتی.\""

زیاتر گوتی \""دوور نییە ڕاگەیاندنی ئەو بەڕێوەبردنە بە فەرمانی ڕژێم بووبێ، چونكە پێوەندییەكانی PYD لەگەڵ ڕژێم شاراوە نین."