لە رۆژی جیهانی بەرەنگاربونەوەی توندو تیژی دژ بە ئافرەتان، ژنان و بەشێك لە چالاكانی ئەو بوارە لە بەردەم تەلاری پارێزگای كەركووك گردبونەوەیەكی ناڕەزاییان ئەنجام دا، ئەویش بەهۆی بەرز بونەوەی ڕێژەی توند و تیژییەكان بەرامبەر بە ئافرەتان.
بەپێی ئامارێكی پۆلیسی پارێزگای كەركووك لە 1/1/2013 تا 31/10/2013، بە رووداوی هاتوچۆ 16 ئافرەت مردووە، 45 ی دیكەش برینداربوونە، شێلان بەئۆتۆمبیل 5 كوژراوەو 2 ئافرەت بریندارە، هەروەها 4 تەرم دۆزراوەتەوەو 2 ئافرەتیش خۆیان سوتاندووە كە یەكیكیان مردووەو ئەوی تریشیان برینداربووە، تەقەكردن لە ئافرەت 2 حاڵەت بووە كە هەردوو ئافرەتەكە گیانیان لەدەستداوەو و 4 برینداریش تۆمار كراوە، خۆكوشتن 8 حالەت و كوشتن 4 حالەت، هەروەها خنكاندنی ئافرەت یەك حالەت و بەهۆی تەقینەوەكانیشەوە 14 ئافرەت كوژراون و 133ی تریش برینداربوون.