سه‌رۆكی هه‌رێمی كوردستان ساڵی نوێی كۆچی له‌ هه‌موو موسوڵمانانی كوردستان و عێراق پیرۆز ده‌كات و رایگه‌یاند، داواكاری له‌ خوای میهره‌بان كرد ساڵی نوێ بۆ گەلەکەمان پڕ خێر و به‌ره‌كه‌ت بێت و کوردستان ئارامتر و پێشکەوتوو بێت.


ئه‌مه‌ش ده‌قی پیرۆزبایینامه‌یه‌:



بە ناوی خوای مەزن و دڵۆڤان



لە یادی كۆچی پڕشكۆی پێغەمبەری مەزنمان محەمەد (د.خ) و هاتنی ساڵی ١٤٣٥ی نوێی كۆچیدا، گەرمترین پیرۆزبایی ئاراستەی هەموو موسڵمانانی كوردستان و عێراق و جیهان دەكەم.

له‌ خوای میهره‌بان داواكارم ساڵی نوێ بۆ گەلەکەمان پڕ خێر و به‌ره‌كه‌ت بێت و کوردستان ئارامتر و پێشکەوتوو بێت، هیوای ئارامی و پێکەوەژیانی ئاشتییانەش بۆ گشت پێکهاتەکانی عێراق و هەموو مرۆڤایەتی دەخوازم.





مسعود بارزانی

سەرۆكی هەرێمی كوردستان


٢٩ی زی الحجة ١٤٣٤

٥ی تشرینی دووەمی 2013