بەرپرسانی وەزارەتی خوێندنی باڵای حکومەتی هەرێمی کوردستان دەڵێن، هیچ رۆژێک دیارینەکراوە بۆ راگەیاندنی ناوی وەرگیراوان لە زانکۆکانی هەرێمی کوردستان.

دکتۆر عەلی سەعید، وەزیری خوێندنی باڵا بە رووداوی راگەیاند:\" هیچ کەسێک لە وەزارەتی خویندنی بالا نەیگوتووە ئەمڕۆ یان سبەی ناوەکان بڵاودەکرێتەوە، ئێمە وتومانە خەریکین و لەگەڵ تەواوبوونی، ئاشکرای دەکەین\"".

وەزیری خوێندنی باڵا گوتیشی \""کەی تەواو بوو دەزگاکانی راگەیاندن بانگهێشت دەکەین و دەرەنجامەکان رادەگەیەنین\"".

هەروەها سالار خدر حسێن، بەرپرسی زانکۆ لاین، کە تایبەتە بە وەرگرتنی خوێندکاران، بە (رووداو)ی راگەیاند: \""بە هۆی ئەوەی تاوەکو ئێستا نمرەی قوتابیانی هەڵەبجە و بەشێک لە هەولێرمان پێنەگەشتووە و پێداچوونەوە بە نمرەکان دەکەین، نەمانتوانیوە دەرەنجامەکان رابگەیەنین و بۆمان روون نییە کەی پێداچوونەوەکان تەواو دەبێت.\""

بەرپرسی زانکۆ لاین گوتیشی:\"" لەگەڵ ئامادەبوونی ناوەکان لە رێگەی راگەیاندنەکانەوە رایدەگەیەنین.




رووداو"