21ی تشرینی دووه‌م/ ئۆکتۆبەر(گولان میدیا)- تیمی راگەیاندنی حەج- سعودیە: مەریوان نەقشبەندی بەرێوەبەری راگەیاندنی وەزارەتی ئەوقاف و کاروباری ئاینی حکومەتی ھەرێمی کوردستان رایگەیاند: بەرەبەیانی رۆژی ٢١ی ئەم مانگە حاجی نەریمان غەفوور شەریف لەدیکبوی ساڵی ١٩٥٠ـیە و نیشتەجێی شاری سلێمانیە، لەشاری مەککە کۆچی دوایی کرد.
بەرێوەبەری راگەیاندنی وەزارەتی ئەوقاف ئاماژەی بەوە کرد بەپێی راپۆرتی پزیشکی، حاجیە کۆچکردووەکە نەخۆشی شەکرە و کێشەی دڵی ھەبووە و بەو ھۆیەوە کۆچی دوایی کردووە و بڕیارە دوای گفتوگۆ لەگەڵ کەسوکاری لەکوردستان، تەرمەکەی ببرێتە کەعبەی پیرۆز نوێژی لەسەر بکرێت و ھەر لەشاری مەککە بەخاک بسپێردرێت.