بارزانی : PYD تاکە ھێز نییە بتوانێ کۆنترۆڵی تەواوی رۆژئاوای كوردستان بکات
بارزانی ئەوەشی گوتوە کە PYD تاکە ھێز نییە لە ناوچەکە بتوانێ کۆنترۆڵی تەواوی کوردستانی سووریا بکات ، چونکە ھێزو لایەنی سیاسی دیکەی کوردیش ھەن .سەرۆکی كوردستان بەردەوام دەبێت و دەڵێ بۆ ئێمە گرنگە کوردانی سووریا بە مافەکانی خۆیان بگەن ، چوونکە لە باکووری سوریا راستییەک ھەیە دەبێ دانی پیا بنرێ ئەویش بوونی کوردە لەو وڵاتەدا ، ئێمە نازانین بۆ تا ئێستا وڵاتانی ئیقلیمی لەو راستییە را دەکەن .
بارزانی ئەوەشی راگەیاند \"" پێویستە کورد لە رۆژئاوادا ھەموو ھەوڵێک بدەن بۆ ئەوەی شەری ناوەخۆ ھەڵنەگیرسێ و شەر لەگەڵ لایەنی عەرەبیش نەکەن و بە گفتوگۆ كێشەكان چارەسەر بكەن\"" .
سەرۆکی ھەرێم بۆ پارتی یەکێتی دیموکراتی لە سوریا (PYD) دەڵێ \""پێویستە ھەموو لایەنە کوردییەکان بە شێوەی گفتوگۆو دیموکراسیانە ھەوڵ بدەن کێشەکان چارەسەر بکەن ، ئەگەر لە بەرنامەی دیموکراسی لابدەن ئەوا قبوڵ ناکرێ .\""
ھەر لەو چاوپێکەوتنەدا مەسعود بارزانی ئەوەشی گوتووە کە ھاووڵاتیانی کورد لە سووریا ئازادن لایەنگری کام لایەنی سیاسی دەکەن جا چ لایەنگری پەیەدە یا پەکەکە بێ یا ھەر لایەنێکی دیکەی سیاسی .
"
