21ی تشرینی یەكەم/ ئۆكتۆبەر (گوڵان میدیا)- بەداخ و پەژارەیەكی زۆرەوە هەواڵی ئەو كردەوە تیرۆریستییەمان پێگەیشت كە رۆژی شەممە رێكەوتی ٢٠/١٠/٢٠١٢ له ناوچەی كازمییە لە شاری بەغدا روویدا و لە ئەنجامدا بووە هۆی شەهید و برینداربوونی ژمارەیەكی زۆری هاووڵاتیان.

سەرۆكایەتی هەرێمی كوردستان وێڕای بە توندی ئیدانەكردنی ئەو كردەوە تیرۆریستییە، هاوخەمی خۆی بۆ كەسوكاری قوربانییانی ئەو رووداوە دڵتەزێنە دەردەبڕێت و هیوای چاكبوونەوەی بە پەلەش بۆ بریندارەكان دەخوازێت.

لە هەمان كاتدا دووپاتی دەكەینەوە هەر كردەوە و دەستدرێژییەك لە لایەن هەر كەس و لایەنێكەوە بۆ سەر هاووڵاتیان و سەقامگیری وڵات ئەنجام بدرێت لە لایەن ئێمەوە ئیدانە و ریسوا دەكرێت.

سەرۆكایەتی هەرێمی كوردستان
هه‌ولێر
٢١/١٠/٢٠١٢