16ی تشرینی یەكەم/ ئۆكتۆبەر (گوڵان میدیا)- به‌رپرسی لیژنه‌ى چاودێریی ته‌ندروستى كه‌لار رایده‌گه‌یه‌نێت كه‌ پشكنینیان كردووه‌و بۆیان ده‌ركه‌وتووه‌ به‌رهه‌مهێنانى سه‌وزه‌ له‌كه‌لار پاكه‌و هیچ كێڵگه‌یه‌ك به‌ ئاوى ئاوه‌رِۆ و زێراب ئاو نادرێت.
حه‌سه‌ن محه‌مه‌د به‌رپرسی لیژنه‌كه‌ رِاگه‌یاند: به‌هاوكارى به‌شى نه‌خۆشیه‌ گوازراوه‌كان له‌ مه‌ڵبه‌ندى خۆپاراستنى ته‌ندروستى كه‌لار سه‌ردانى كێڵگه‌كانى به‌رهه‌مهێنانى سه‌وزه‌ له‌ ده‌وروبه‌رى شارى كه‌لاریان كردووه‌، ده‌ركه‌وتووه‌ هیچ كێڵگه‌یه‌ك به‌ ئاوى ئاوه‌رِۆ و زێراب ئاو نادرێت و سه‌رچاوه‌ی ئاوه‌كانیان پاكن و مه‌ترسی سه‌رهه‌ڵدانی په‌تای كولێره‌یان لێناكرێت.