16ی تشرینی یەكەم/ ئۆكتۆبەر (گوڵان میدیا)- دوای ئەوەی لە رۆژی 10ـی ئەو مانگەدا كاروانی كۆتایی حاجیانی هەرێمی كوردستان لە شاری هەولێرەوە بەرەو عەرەبستانی سعوودیە بەڕێ كەوت، ئێستایش هاتنی حاجییەكان دوای مانەوەیان بە چەند رۆژێك لە شاری مەدینەوە بۆ شاری مەككەی پیرۆز، بەردەوامە.

بەڕێوەبەری گشتیی حەج و عومرە لە هەرێمی كوردستان (سەڵاح شێخ فەتاح نەقشبەندی) بە ڕۆژنامەی \"هەولێر\"" دەڵێ: \""ئەمساڵ لە پێش وادەی خۆیدا هەموو حاجیانی كوردستان گەییشتنە وڵاتی سعوودیە و ئێستا هیچ حاجییەك لە كوردستان نەماوە و حاجیانی كوردستان لەگەڵ حاجیانی عێراق گەییشتوونەتە وڵاتی سعوودیە و بڕیاریشە تا 17 ئەم مانگە تەواوی حاجیانی كوردستان بگەنە شاری مەككەی پیرۆز بە مەبەستی بەجێگەیاندنی ئەركەكانی حەجكردن.\""

سەرپەرشتیاری لیژنەی دابینكردنی شوێن بۆ حاجیان لە شاری مەككەی پیرۆز (حاجی سەلام) دەڵێ كە ئێستا 6 هەزار و 300 حاجی لە هەرێمی كوردستانەوە گەییشتوونەتە شاری مەككەی پیرۆز و هەموویشیان شوێنی باشیان بۆ كراوەتەوە و سەرجەم پێداویستییەكیان بۆ دابین كراوە.\"""