مهسرور بارزانى ژبال میر و جێنشینێ میرێ كوێتێ ڤه هاته پێشوازیكرن
لەم دیدارەدا بەرێز مەسرور بارزانی وێرای گەیاندنی سڵاو و رێزی سەرۆکی هەرێم، پەیامی بەرێزیانی ئاراستەی ئەمیری دەولەتی کوێت کرد، کە برێتی بوو لە دووپاتکردنەوەی ویستی فراوانکردنی زیاتری هاوکاری و هەماهەنگی لە گشت ئەو بوارانەی کە جێگەی بایەخی هەردوو لایە.
هەر لەم دانیشتنەدا وێڕای تاوتوێکردنی باری عێراق و ناوچەکە، جەخت لە سەر ئەوە کرایەوە کە گشت کێشە و گرفتەکانی ناوچەکە بە گرتنەبەری رێگە چارەی ئاشتیانەی و دیالۆگ و یەکتر قبولکردن چارەسەر بکرێن و هەردوو لا کۆک بوون لە سەر ئەوەی کە دەبێت ڕێز لە ویستی گەلانی ناوچەکە بگیرێت و کۆتایی بە بەکارهێنانی هێز دژ بە خواستی گەلان بهێنرێت.
لە بەشێکی دیکەی دیدارەکەدا چۆنیەتی پەرەپێدانی ئاستی پەیوەندییەکان و هاوکاریی هەرێمی کوردستان و دەولەتی کوێت خرایە بەر باس و ئاماژە بە گرتنەبەری رێکاری کردەیی درا بۆ ئەوەی هەرچیی زووتر ئاستە جیاجیاکانی پەیوەندیی هەردوو لا گەشەسەندنی زیاتر بەخۆوە ببینێت.
هەر ئەمرۆ و لە دیدارێکی جیادا بەرێز ( شێخ نەواف ئەحمەد جابر ئەلصەباح) ولی عەهدی دەولەتی کوێت پیشوازیی لە بەرێز مەسرور بارزانی و شاندی یاوەری کرد و لە دیدارێکدا زۆر بابەتی جێگەی بایەخی هاوبەشێ هەردوولا، لەوانەش دوا پێشهاتەکانی ناو عێڕاق و ناوچەکە خرانە بەر باس. هەر لە میانەی ئەم دیدارەدا بەرێز وەلی عەهدی کوێت پشتگیریی خۆی بۆ داوا ڕەواکانی کورد لە ناوچەکە و عێراق دووبارە کردەوە و ئومێدی خواست کە گشت پێکهاتەکانی عێراق بتوانن بە ئاشتی ودوور لە دەستێوەردانی دەرەکی پێکەوە ئاشتیانە بژین.هەر لەم دیدارەدا جەخت لە سەر پەرەسەندنی پەیوەندییە دووقۆلیەکان، لە ئاستە جیاجیاکاندا کرایەوە.
