سەرۆكی حكوومەتی هەرێمی كوردستان ڕایگەیاند، کە پێویستە سامانە سروشتییەكان بۆ خۆشگوزەرانیی خەڵكی عێراق بە كار بهێنرێت. جەختیش دەکاتەوە کە نەوت و گازی هەرێم ڕۆڵێكی گرنگی دەبێت بۆ دابینكردنی وزە لە جیهان.

ئەمڕۆ لە شاری هەولێر یەكەمین كۆنفرانسی مەیدانیی وزەی نێودەوڵەتی دەستی پێكرد، سەرۆكی حكوومەتی هەرێمی كوردستان لە وتەیەكیدا ڕۆشنایی خستە سەر سیاسەتی نەوت هەرێم و بارودۆخی ئەمڕۆی عێراق.

نێچیرڤان بارزانی ڕایگەیاند: \"ئێمە لە هەرێم هیوادارین سامانە سروشتییەكان ببێتە مایەی خۆشگوزەرانیی تەواوی گەلانی عێراق، هاتنی وەزیری وزەی توركیا بۆ هەرێمی كوردستان ئاماژەیە بۆ پەیوەندیی بەهێزی هەرێم و توركیا، ئێمە دەتوانین وزە بۆ خۆشگوزەرانیی هاووڵاتیانمان بە كار بێنین، نەك بۆ ناخۆشی و شەڕ.\""

سەرۆکی حکوومەتی هەرێمی کوردستان هاوکات ئاماژەی دا: لە ئێستادا توركیا گەورەترین هاوبەش و وەبەرهێنەرە لە هەرێم، خۆشحاڵین کە پەیوەندییەكانمان لەگەڵ توركیا چووەتە قۆناغێكی تازەوە لە بواری وزەدا، ئەم پەیوەندییە بەرز دەنرخێنین، ئێمە بە پشتبەستن بە دەستووری عێراق، بەردەوام دەبین لەسەر سیاسەت و كاری خۆمان لە بواری نەوت، نەوت و گازی هەرێم ڕۆڵێكی گرنگی دەبێت بۆ دابینكردنی وزە لە جیهان.\""

ڕوونیشی كردەوە: \""لە پێنچ ساڵی ڕابردوو ئێمە هەنگاوی ڕاست و دروستمان ناوە لە بواری نەوتدا، بەڵگە بۆ ئەوەیش ئەو پێشكەوتنەیە کە هەرێمی كوردستان بەخۆیەوە بینیوە. داوا دەكەین یاسا نەوت و گاز لەپەرلەمانی عێراق بە زووترین كات پەسەند بكرێت، بۆ ئەوەی بەپێی یاسا و دەستوور مامەڵە لەگەڵ نەوتی هەرێمدا بكرێت\"".

هەرەها پابەندبوونیی تەواوی حکوومەتی کوردستانیشی بە دەستووری عێراقەوە نیشان دا، \""ئەو پابەندبوونەیشمان بۆ بنیاتنانی ئایندەیەكی گەشترە بۆ عێراق و هەرێمی كوردستان.\"""