بەرپرسی ئۆفیسی دهۆكی كۆمیسیۆنی باڵای سەربەخۆی هەڵبژاردنەكان، ڕاگەیاند كە بە پێی بەرنامەی كۆمیسیۆنی هەڵبژاردن، بڕیار بوو لە سەرەتای ئەم مانگەدا دەرگەی تۆماركردنی ناوی قەوارە سیاسییەكان بكرێتەوە، بەڵام بە هۆی چەند كێشەیەكەوە بۆ 20ـی ئەم مانگە دوا خرا.

(بەیار دۆسكی) بە ڕۆژنامەی “هەولێر”ـی گوت: “بڕیار وا بوو لە سەرەتای ئەم مانگەدا قەوارە سیاسییەكان ناوی خۆیان بۆ هەڵبژاردنی ئەنجوومەنی پارێزگاكان تۆمار بكەن، بەڵام بە هۆی چەند كێشەیەكەوە بۆ 20/5 دوا خرا.”

گوتیشی: “بە شێوەیەكی گشتی كاری كۆمیسیۆن دوا كەوتووە، بەڵام ئێستا كۆمیسیۆن سەرقاڵی دانانی ئەو كەسانەیە كە بە شێوەی گریبەست كار دەكەن.” لە 27/9ـدا هەڵبژاردنی ئەنجوومەنی پارێزگاكان ئەنجام دەدرێت و هەر لایەنێك بخوازێت، دەتوانێ لەو هەڵبژاردنەدا بەشدار بێت.