پشتی سه‌ره‌دانه‌كه‌ فه‌رمی ژبۆ وه‌لاتێن بولگارستان و ئه‌یاله‌تێن یه‌كگرتی یێن ئه‌مه‌ریكا و هه‌نگاریا و تركیێ و جڤین و هه‌ڤدیتنێن ب به‌رپرسیارێن پله‌ بلند یێن ڤان وه‌لاتان ره‌؛ ئێڤاریا دوێنێ ب رێیا بالافرخانه‌یا ناڤنه‌ته‌وه‌یی یا هه‌ولێرێ ڤه‌، برێز مه‌سعود بارزانی سه‌رۆكێ هه‌رێما كوردستانێ ڤه‌گه‌ریا هه‌ولێرا پایته‌خت .

ل بالافرخانه‌یێ ژی ژبال نێچیرڤان بارزانی سه‌رۆكێ هوكوومه‌تا هه‌رێما كوردستانێ و دكتۆر محه‌مه‌د حه‌سه‌ن سوره‌ جیگرێ سه‌رۆكێ پارله‌مێنتێ و فازل میرانی سه‌كره‌ته‌رێ مه‌كته‌با سیاسیا پارتیا ده‌مۆكراتا كوردستانێ و هه‌ژماره‌كه‌ ئه‌ندامێن مه‌كته‌بێن سیاسی یێن پارتی و یه‌كێتی و وه‌زیرێن هوكوومه‌تا هه‌رێما كوردستانێ ڤه‌ هاته‌ پێشوازیكرن.