لە دووایین پەیامیدا لەسەر لاپەڕەی تایبەتی خۆی لە تۆڕی كۆمەڵایەتی فەیسبووك، سەرۆكی حكومەتی هەرێمی كوردستان بەڕێز نێچیرڤان بارزانی جارێكی تر وادەی جێبەجێكردنی بەرنامەیەكی بەرفراوانی حكومەتەكەی دەدات.

ئەمەی خوارەوە دەقی پەیامەكەیەتی:

هاوڕێیانى ئازیز...
شەرەفێکى گەورە بوو بۆ من کە رۆژى 5ى نیسانى 2012 وەک سەرۆکى حکومەتى کابینەى حەوتەمى حکومەتى هەرێمى کوردستان سوێندى یاساییم خوارد. خۆشحاڵم کە جارێکى تر هەڵمەت و هەوڵەکانى ئاوەدانکردنەوەو بوژانەوەى هەرێمى کوردستان بەڕێوە دەبەم. کارێکى زۆرمان لەبەردەستە و هیوادارین بتوانین باشترین خزمەت پێشکەش بە هاوڵاتیانى خۆمان بکەین و ژیان و گوزەرانیان باشتر بکەین. ئومێدەوارم کابینەى حەوتەم لە ئاستى داخوازیەکانى هەموو هاوڵاتیانى هەرێمى کوردستان بێت و بتوانێت هیواى ژیانێکى باشتر و دەرفەت بۆ هەموو هاوڵاتیان دابین بکات. زۆر سوپاسى پشتگیرى و پەیامەکانى پیرۆزباییتان دەکەم و با پەیوەندیمان بەردەوامبێت.