له‌ چوارچێوه‌ى سه‌ردانه‌كه‌یدا بۆ ئه‌مریكا به‌ڕێز مه‌سعوود بارزانى سه‌رۆكى هه‌رێمى كوردستان سه‌ردانى نووسینگه‌ى نوێنه‌رایه‌تى حكومه‌تى هه‌رێمى كوردستانى له‌ واشتنۆن كرد و له‌لایه‌ن قوباد تاڵه‌بانى نوێنه‌رى حكومه‌تى هه‌رێم له‌ واشنتۆن و ده‌سكۆ شێروانى جێگرى نوێنه‌ر و كارمه‌ندانى نوێنه‌رایه‌تییه‌كه‌وه‌ ، پێشوازى لێكرا .

پاش به‌سه‌ركردنه‌وه‌ى هۆڵ و یه‌كه‌ و به‌شه‌كانى نووسینگه‌كه‌ , نوێنه‌رى حكومه‌تى هه‌رێم ئه‌رك و كاره‌كانى نووسینگه‌كه‌یانى بۆ سه‌رۆك بارزانى ڕوون كرده‌وه‌ و ئه‌و هه‌ولانه‌شی كه‌ له‌ پێناو دامه‌زراندنى په‌یوه‌ندییه‌كى چالاك له‌گه‌ڵ ناوه‌نده‌ سیاسی و ئابوورى و كولتورییه‌كانى ئه‌مریكادا خستویانه‌ته‌گه‌ر ، شیكرده‌وه‌ .

لاى خۆشییه‌وه‌ سه‌رۆك بارزانى ئه‌رك و كاره‌كانى نووسینگه‌ى نوێنه‌رایه‌تى حكومه‌تى هه‌رێمى له‌ واشنتۆن به‌ به‌رهه‌مدار وه‌سفكرد و بۆ كارى باشتر و خزمه‌تى زیاترى كوردستانیانى دانیشتووى ئه‌و ووڵاته‌ش ، هانى دان و ئاماده‌یی خۆشی بۆ پاڵپشتى كردن له‌ كار و ئه‌ركه‌كانیان , دووپاتكرده‌وه‌ .