به‌ بۆنه‌ى جه‌ژنه‌كانى سه‌رى ساڵى ئاشوورى بابلی ( ئه‌كیتۆ )، به‌رێز مه‌سعود بارزانی سه‌رۆكی هه‌رێمی كوردستان بروسكه‌یه‌كی پیرۆزبایی ئاراسته‌ى مه‌سیحیه‌كانى هه‌رێمى كوردستان و گشت عیراق و جیهان كرد ، ئه‌مه‌ ده‌قه‌كه‌یه‌تی:

به‌ ناوى خواى مه‌زن و دلۆڤان

به‌ بۆنه‌ى جه‌ژنه‌كانى سه‌رى ساڵى ئاشوورى بابلی ( ئه‌كیتۆ ) گه‌رمترین پیرۆزبایی ئاراسته‌ى خوشك و برا مه‌سیحیه‌كانى هه‌رێمى كوردستان و گشت عیراق و جیهان ده‌كه‌م.

هیوادارم له‌ سایه‌ى پته‌وبوونى گیانى برایه‌تى و پێكه‌وه‌ ژیانى هه‌موو نه‌ته‌وه‌ و ئایینه‌كان له‌ هه‌رێمى كوردستان و ئه‌زموونه‌ دیموكراسیه‌كه‌ى به‌ ئاشتى و شادى و خۆشیى رێوره‌سم و سروته‌ ئایینى و جه‌ماوه‌ریه‌كانیان به‌رنه‌ سه‌ر و وه‌ك به‌شێكى گرنگى گه‌لى كوردستانیش به‌شدارى له‌ گه‌شه‌كردنى كۆمه‌ڵایه‌تى و ئابوورى و سیاسى هه‌رێم بكه‌ن .