پاڵاوكی پارتى سۆسیالی فرەنسایی لە پەیامێكدا وێڕاى پیرۆزباییكردن بەبۆنەى نەورۆز گوتى، پێشوزای لە خواستی گەلی كورد دەكەم بۆ دیمكراتی و گەیشتن بەمافەكانیان.

فرانسۆ هۆلان لە پەیامێكدا كە لە وارگەى ئەلیكترۆنى خۆى بڵاوى كردووەتەوە گوتى، نەورۆز یانى سەرەساڵی نوێی سەرەتاى بەهار، من پشتیوانى لە خواستی گەلی كورد دەكەم بۆ دیموكراتى و داپێدانان بەمافە رەواكانیان لەو وڵاتانەى كە تێیدا دەژین.

لە پەیامەكەدا هاتووە، گەلانى نەورۆز یانى سەرەساڵی نوێی گەلانى ئاسیاى ناوەڕاست و قەوقاز و رۆهەڵاتى ناوەڕاست ئاهەنگ بەبۆنەى جەژنی نەورۆز دەگێڕن، من دەزانم نەورۆز یانى چی بۆ ئێوە، ئەم رووداوە 3 هەزار ساڵ پێش ئێستە بووە، نەورۆز سەرە ساڵی تازە و جەژنی بەهارە و هێماى ئازادى و هیواى تازە و نوێبوونەوەیە.

پتر گوتى، چەندان هاووڵاتی لە هەمان رەچەڵەك ئەو یادە دەكەنەوە لە فرەنسا و دەمەوێ پیرۆزبایی گەرمیان لێ بكەم.

هەروەها گوتى، پێشوازی لە خواستی گەلی كورد دەكەم لە پێناو دیموكراتی و دانپێدانان بەمافە رەواكانیان لەو وڵاتانەی كە تێیدا دەژین.


-ئاكانيوز