هه‌وڵه‌كانی سه‌رۆك مام جه‌لال و سه‌رۆكی هه‌رێم بۆ چاره‌سه‌ركردنی دۆسێی هێزی پێشمه‌رگه‌ به‌رده‌وامه‌و سه‌رۆكی حكومه‌تی هه‌رێمیش نامه‌یه‌كی ره‌سمی ئاڕاسته‌ی مالکی كردووه‌ بۆ چاره‌سه‌ركردنی بودجه‌ی پێشمه‌رگه‌، له به‌رامبه‌ردا سه‌رۆك وه‌زیران فه‌رمانی به‌لایه‌نه‌ په‌یوه‌ندیداره‌كان داوه‌ چاره‌سه‌ری كێشه‌که‌ بكرێت.
شێخ جه‌عفه‌ر مسته‌فا وه‌زیری پێشمه‌رگه‌ رایگه‌یاند: ((مالكی فه‌رمانی به‌لایه‌نه‌ په‌یوه‌ندیداره‌كان داوه))‌، وتیشی: سه‌رۆكی حكومه‌ت نامه‌یه‌كی ره‌سمی ئاڕاسته‌ی سه‌رۆك وه‌زیرانی عیراق كردووه‌ بۆ چاره‌سه‌ركردنی بودجه‌ی هێزی پێشمه‌رگه‌ كه ‌سه‌رۆك مام جه‌لال و سه‌رۆكی هه‌رێم رۆڵی گرنگیان بینیووه‌ تا‌ وه‌ک به‌شێك له ‌سیستمی به‌رگری عیراق حسابی بۆ بکرێت.
وه‌زیری پێشمه‌رگه‌ وتیشی: جێبه‌جێكردن سه‌نگی مه‌حه‌كه‌.