وه‌فدێكی هاوبه‌شی په‌روه‌رده‌یی و زانستی و راگه‌یاندنی هه‌رێمی كوردستان، له‌ویلایه‌تی فلۆریدای ئه‌مریكا سه‌ردانی بنكه‌ی (جۆن كه‌نه‌دی) بۆ لێكۆڵینه‌وه‌كانی بۆشایی ئاسمانیان كرد كه‌ به‌ئاژانسی (ناسا) ناوده‌برێت و سه‌رجه‌م كه‌شتییه‌ ئاسمانییه‌كانی ئه‌مریكا له‌م بنكه‌یه‌وه‌ ره‌وانه‌ی بۆشایی ئاسمان و ئه‌ستێره‌كان ده‌كرێت.
وه‌فده‌كه‌ی هه‌رێمی كوردستان به‌شه‌كانی ئه‌م بنكه‌یه‌ی به‌سه‌ركرده‌وه‌و پسپۆرِانی ئاژانسی ناسا مێژووی دروستبونی ئه‌م بنكه‌یه‌و چۆنییه‌تی كاركردن و پێشخستن و دواتریش قۆناغه‌كانی سه‌ره‌تای رۆیشتن به‌ره‌و بۆشایی ئاسمان و مانگ و ئه‌ستێره‌كانیان بۆ وه‌فده‌كه‌ی هه‌رێمی كوردستان رونكرده‌وه‌و ته‌ئكیدیان كرده‌وه‌ كه‌ زانستی گه‌ردون و بۆشایی ئاسمان به‌شێكه‌ له‌سیستمی خوێندن و په‌روه‌رده‌ی ئه‌مریكاو پێویسته‌ گه‌لانی دنیا له‌سه‌ر ئه‌م زانسته‌ خۆیان شاره‌زا بكه‌ن.
ئه‌مریكا ساڵی 1968بۆ یه‌كه‌مجار له‌م بنكه‌یه‌وه‌ كه‌شتی (ئه‌پۆلۆ 8)ی ئاڕاسته‌ی مانگ و بۆشایی ئاسمان كردو ئێستاش پێشكه‌وتوترین بنكه‌ی لێكۆڵینه‌وه‌ی زانستی بۆشایی ئاسمان و ئه‌ستێره‌كانه‌ له‌جیهاندا.