ئەمڕۆ چوارشەم ئەندامێكی مەكتەبی سیاسیی كۆمەڵی ئیسلامیی كوردستان رای گەیاند، حزبەكەى بڕیاری داوە بەشداری لە كابینەی نوێی حكوومەتی هەرێم نەكا و ئەم پرسەش كۆتای هاتووە.

لە ماوەى رابردوودا چاودێرانى سیاسى باس لە نێزیكبوونەوەى كۆمەڵى ئیسلامى و پارتى دیموكراتى كوردستان دەكەن كە بڕیارە جێگرى سەرۆكى پارتى سەرۆكایەتى كابینەى نوێى حكوومەت بگرێتە دەست.

تۆفیق كەریم بە ئاژانسی كوردستان بۆ دەنگوباس (ئاكانیوز)ی راگەیاند \"كۆمەڵى ئیسلامى لەگەڵ بزووتنەوەی گۆڕان و یەكگرتووی ئیسلامی بڕیاری داوە بەشداری لە كابینەی نوێی حكوومەتی هەرێم ناكا\"".

زیاتر گوتى \""بڕیاری بەشداری نەكردنمان لە كابینەی نوێی حكوومەتی هەرێم كۆتای هاتووە، چونكە تا ئێستە 6 پاكێجەكەی ئۆپۆزسیۆن و 4 بڕیارەكەی مەسعوود بارزانی سەرۆكی هەرێمی كوردستانیش جێبەجێ نەكراوە\""."