ئه‌مڕۆ 2-1 له‌سه‌ر رێگای كه‌ركوك- دوز به‌هۆی ته‌قینه‌وه‌ی بۆمبێكی چێندراوه‌وه‌ هاووڵاتیه‌ك گیانی له‌ده‌ستداو 3ی دیكه‌ش برینداربوون كه‌ سه‌رجه‌میان ئه‌ندامی یه‌ك خێزانن.

سه‌رچاوه‌یه‌ك له‌سه‌نته‌ری هه‌ماهه‌نگی پۆلیسی كه‌ركوك به‌ PUKmediaی راگه‌یاند: ئه‌مڕۆ له‌سه‌ر رێگای كه‌ركوك-دوز له‌نزیك گوندی قه‌ره‌ده‌ری سه‌ر به‌قه‌زای دوز بۆمبێكی چێندراو به‌ئۆتۆمبێلی هاووڵاتییه‌كدا ته‌قییه‌وه‌و به‌هۆیه‌وه‌ یه‌كێك له‌سه‌رنشینانی ئۆتۆمبێله‌كه‌ به‌ناوی ( به‌سام سائیر) گیانی له‌ده‌ستداو باوك و دوو براشی كه‌ له‌گه‌ڵیدا بوون برینداربون.
له‌لایه‌كی تریشه‌وه‌ عه‌مید سه‌رحه‌د قادر به‌ڕێوه‌به‌ری پۆلیسی قه‌زاو ناحیه‌كانی كه‌ركوك به‌ PUKmediaی راگه‌یاند: ئه‌مڕۆ 2-1 هێزه‌كانیان له‌ بازگه‌ی پیشه‌سازی كه‌ركوك تۆمه‌تبارێكیان به‌ناوی ( ئه‌حمه‌د حسێن) ده‌ستگیركردوه‌ كه‌ به‌پێی مادده‌ی 4ی تیرۆر له‌لایه‌ن به‌ڕێوه‌به‌رایه‌تی لێكۆڵینه‌وه‌ی تاوانه‌كانی كه‌ركوكه‌وه‌ داواكراوه‌.