هه‌ندێ له‌ میدیاكانی كوردستان گۆڕانكاری پۆسته‌ ئیدارییه‌كانی زاخۆ به‌ رووداوه‌كانی ئه‌و شارۆچكه‌یه‌ی په‌یوه‌ست ده‌كه‌ن، له‌ لێدوانێكدا راوێژكاری راگه‌یاندنی سه‌رۆكی هه‌رێمی كودستان رایگه‌یاند: ئه‌و گۆڕانكارییانه‌ی ده‌كرێن رۆتینین و هیچ په‌یوه‌ندییه‌كیان به‌ روودواكانی زاخۆوه‌ نییه‌.


ئه‌مه‌ش ده‌قی لێدوانه‌كه‌یه‌:

هه‌ندێ له‌ میدیاكانی كوردستان باس له‌وه‌ ده‌كه‌ن كه‌ گوایه‌ گۆڕانكاری له‌ هه‌ندێ وه‌زیفه‌ی ئیداری له‌ ده‌ڤه‌ری بادینان ده‌كرێ و به‌ رووداوه‌كانی زاخۆی په‌یوه‌ست ده‌كه‌ن، له‌ لێدوانێكدا راوێژكاری راگه‌یاندنی سه‌رۆكی هه‌رێمی كوردستان گووتی: ئه‌و گۆڕانكارییانه‌ی ده‌كرێن رۆتینین و هیچ په‌یوه‌ندییه‌كیان به‌ روودواكانی زاخۆ نییه‌، چونكه‌ دوو مه‌سه‌له‌ی جیاوازن.

تازه‌ ئه‌و لێژنه‌ تایبه‌ته‌ی بۆ لێكۆڵینه‌وه‌ له‌ رووداوه‌كان پێكهاتووه‌، راپۆرتی خۆی پێشكه‌ش كردووه‌ و ئێستا له‌ ژێر لێكۆڵینه‌وه‌ و دیراسه‌ت دایه‌.

راوێژكاری راگه‌یاندنی سه‌رۆكی هه‌رێمی كوردستان
20/12/2011