ئه‌مرۆ دووشه‌ممه‌ 19/12/2011 به‌رێز مسعود بارزانی سه‌رۆكی هه‌رێمی كوردستان له‌ سه‌ڵاحه‌دین له‌گه‌ڵ به‌رێزان ساڵح موتڵه‌گ جێگری سه‌رۆك وه‌زیران و رافع عیساوی وه‌زیری دارایی عیراقی فیدراڵ كۆبووه‌وه‌.

له‌ كۆبوونه‌وه‌كه‌دا ، كۆمه‌ڵێ‌ ته‌وه‌ر تایبه‌ت به‌ بارودۆخی گشتی عیراق ، به‌ تایبه‌تی پرۆسه‌ سیاسیه‌كه‌ی و ئه‌و ته‌نگژه‌یه‌ی كه‌ دووچاری بوه‌ته‌وه‌ و چۆنیه‌تی هه‌ڵسوكه‌وتكردن له‌گه‌ڵ ته‌نگژه‌كه‌دا تاوتوێكران و بڕیاریش درا درێژه‌ به‌ كۆبوونه‌وه‌كان بدرێ‌ و بۆ ده‌رچوونیش له‌و ته‌نگژه‌یه‌ هه‌ول ده‌درێ‌ به‌م نزیكانه‌ كۆنگره‌یه‌كی نیشتمانی فراوان ساز بدرێ‌.