ئه‌مڕۆ دانیشتنی ئاسایی په‌رله‌مانی كوردستان تایبه‌ت به‌ بانگهێشتنی كامیلی حاجی عه‌لی وه‌زیری ئه‌وقاف و كاروباری ئایینی ده‌ستی پێكرد به‌ڵام دوای ده‌ستپێكردنی دانیشتنه‌كه‌ لیسته‌كانی ئۆپۆزسیۆن بایكۆتی كۆبوونه‌وه‌كه‌یان كرد.


به‌ ئاماده‌بوونی سه‌رجه‌م لیسته‌كانی په‌رله‌مان دانیشتنی په‌رله‌مان به‌ڕێوه‌چوو به‌ڵام دوای 25 خوله‌ك له‌ ده‌ستپێكی دانیشتنه‌كه‌ هه‌ر سێ لیستی ئۆپۆزسیۆن یه‌كگرتوو، كۆمه‌ڵ و گۆڕان بایكۆتی دانیشتنه‌كه‌یان كرد.

سه‌رۆكی فراكسیۆنی گۆڕان كاردۆ محه‌مه‌د رایگه‌یاند: هۆكاری كشانه‌وه‌یان له‌ دانیشتنه‌كه‌ی ئه‌مڕۆی په‌رله‌مان ئه‌وه‌بوو، كه‌ پێداهه‌ڵدان بووه‌ به‌ كاروباره‌كانی حكومه‌ت نه‌ك لێپێچانه‌وه‌ له‌و كه‌موكوڕیانه‌ی هه‌یه‌.