بەڕێوەبری بەڕێوەبەرایەتی شاری کەرکووک خراپتربوونی دۆخی ئەمنی شاری کەرکوک دەڵێت، کشانەوەی هێزەکانی ئەمەریکا کارگەری نەرێنی بۆ سەر دۆخی ئەمنی شارەکە بووە و هەفتەیەک زیاترە کە دۆخی ئەمنی بەرەو خراپی رۆیشتووە و ژمارەی تەقینەوەکان بەتایبەت لە رێگەی بۆمبی موگناتیشەوە و لکاندنی بە ئۆتۆمبیلی هاولاتیانەوە زیاتر کرداوە.



لیوا هەڵۆ نەجات بەڕێوەبەری بەڕێوەبەرایەتی ئاسایشی کەرکوک لە لێداونێکی تایبەتدا بۆ ئاژانسی پەیامنێر گوتی: هۆکاری خراپی شارەکە لە ئێستادا ئەوەیە کە کەرکوک سنورێکی کراوەی هەیە لەگەڵ هەر سێ پارێزگای (دیالە، تکریت،موسل) و هاتنی ماڵی عەرەب لەو ناوچانەوە بۆ کەرکوک رێگەی خۆشکردوە کە تیرۆرستان بەئاسانتر بۆ ناو شارەکە بێن.

هەروەها لیوا هەڵۆ هۆکارێکی دیکەی بۆ کشانەوەی هێزەکانی ئەمەریکا لەو شارە گەراندنەوە و دەڵێ، هێزە ئەمنیەکانی شاری کەرکووک توانای تەواوی ئەوەیان نیە کە ئەمنیەتی شارەکە بپارێزن.

هەروەها بەرێوەبەری ئاسایشی کەرکوک گوتی: دەبێ هەوڵبدەین بۆ ساڵی داهاتوو بەرنامەیەکی تۆمەکتر دابنێن بەهۆی نەمانی هێزەکانی ئەمەریکا و زیاتر گەراندنەوەی ئەمنیەتی شاەرکە و نەمانی نیگەرانی هاوڵاتیا لە ژیانیان.