به‌ سه‌رپه‌رشتیی به‌ڕێز مسعود بارزانی سه‌رۆکی هه‌رێمی کوردستان رۆژی چوارشه‌ممه‌ 22/6/2011 کۆبوونه‌وه‌یه‌کی تایبه‌ت به‌ ره‌وشی کاره‌با له‌ هه‌رێمی کوردستان و پارێزگاکانی که‌رکوک و موسڵ به‌ڕێوه‌چوو که‌ تێیدا به‌ڕێزان د.به‌رهه‌م ئه‌حمه‌د ساڵح سه‌رۆکی حکومه‌تی هه‌رێمی کوردستان و ئازاد به‌رواری جێگری سه‌رۆکی حکومه‌ت و یاسین ئه‌بوبه‌کر وه‌زیری کاره‌با ئاماده‌ی بوون.

دوای ئه‌م کۆبوونه‌وه‌یه وه‌زیری کاره‌با روونکردنه‌وه‌ی زیاتری سه‌باره‌ت به‌ ناوه‌رۆکی کۆبوونه‌وه‌که‌ بۆ ده‌زگاکانی راگه‌یاندن خسته‌ڕوو.

وه‌زیری کاره‌با له‌م روونکردنه‌وه‌یه‌دا رایگه‌یاند: بڕیار درا له‌م قۆناغه‌دا بڕی 100مێگاوات کاره‌با بدرێت به که‌رکوک و دوای مانگێکی دیکه‌ش 100مێگاواتی دیکه‌ش ده‌ده‌رێت به که‌رکوک و ئه‌م بڕه‌ش له وێستگه‌ی تایبه‌ت ده‌بێت و کاریگه‌ریی له‌سه‌ر کاره‌بای پارێزگاکانی هه‌رێمی کوردستان نابێت.

یاسین ئه‌بوبه‌کر ئاشکراشی کرد: هه‌روه‌ها له هه‌وڵداین بۆ نوێکردنه‌وه‌ی گرێبه‌ستی کاره‌با له‌گه‌ڵ تورکیا بۆ ئه‌وه‌ی له رێگه‌ی زاخۆ کاره‌با به موسڵ بگه‌یه‌نین.