رەجەب تەیب ئەردۆگانى سەرۆك وەزیرانى توركیا و سەرۆكى پارتى داد و گەشەپێدانى دەسەڵاتدارى توركیا، سووربوونى خۆى بۆ چارەسەرى كێشەى كورد دووپات كردەوە و ئاماژەى بەوە دا، پارتەكەى چارەسەركردنى ئەو كێشەیەى دەست پێ كرد و لەو رێگەیەش بەردەوام دەبێ.

ئەردۆگان ئەو هەڵوێستەى لە وتارێكیدا راگەیاند كە لە شارى وانى زۆرینە كورد پێشكێشى لایەنگرانى پارتەكەى كرد و ئاژانسى ئەنازۆڵى توركى ئاماژەى پێ داوە.

ئەردۆگان لەكاتى وتارەكەیدا نووسراوێكى رەسمى خستە روو كە لە سەردەمى عیسمەت ئینۆنۆ سەرۆكى پێشووى توركیادا دەرچووە و ئیمزاى سەرۆك وەزیران لە پارتى گەلى كۆمارى لەسەرە لەنێوان 1944 و 1950 دەرچووە، تێیدا داواى قەدەخەكردنى چەند كتێبێكى كوردى دەكا، لەنێویاندا داستانى \"مەم و زین\""ى شاعیرى ناسراوى كورد ئەحمەدى خانى.

سەرۆك وەزیرانى توركیا گوتى \""لەو كاتەوەى لە ساڵى 202دا دەسەڵاتمان گرتە دەست، بە رژدى كارمان بۆ بەدیهێنانى برایەتى كرد و پرۆژەكەمان لەژیر دروشمى \""بۆ ئەوەى لاوان نەمرن و دایكان دایكان\""دا دەست پێ كرد\"".

هەروەها گوتى \""ئێمە گوتمان كێشەى كورد كێشەى خۆمانە و كار بۆ چارەسەرى دەكەین\"".

ئەوەیشى گوت پارتەكەى كۆتاى بە سیاسەتى نكولى لێكردن و توانەوەى نەتەوەیى لە وڵاتدا هێنا.


-ئاكانیوز"