مسعود بارزانی سه‌رۆكی هه‌رێمی كوردستان له‌ سه‌ڵاحه‌دین پێشوازیكرد له‌ نووسه‌رو توێژه‌ری میسری له‌ كاروباری كوردی و عیراقی به‌رێز ره‌جائی فاید.

له‌ دیدارێكدا كه‌ به‌رێز فه‌له‌كه‌دین كاكه‌یی ئاماده‌ی بوو ، بزاڤی رۆشنبیری له‌ كوردستان و چۆنیه‌تی په‌ره‌پێدانی و گرنگی كاراكردنی ئه‌و بزاڤه‌ و ئاماده‌كردنی كه‌شێكی گونجاو بۆ ئه‌وه‌ی رۆڵی كاریگه‌رو راسته‌قینه‌ی خۆی له‌ پێشخستن و پێشكه‌وتنی كۆمه‌ڵگه‌ی كوردستانی ببینێ‌ ، خرایه‌ به‌رباس. هه‌روا ته‌ئكید له‌سه‌ر رۆڵی راگه‌یاندن كرایه‌وه‌ له‌ هوشیاركردنه‌وه‌ و رۆشنبیركردنی ئه‌و كۆمه‌ڵگه‌یه‌.

تاوتوێكردنی گۆڕانكارییه‌كانی ئه‌م دواییه‌ی چه‌ند وڵاتێكی عه‌ره‌بی ته‌وه‌رێكی دیكه‌ی دیداره‌كه‌ بوو.