به‌بۆنه‌ى هاتنه‌وه‌ى جه‌ژنى سه‌رى ساڵى ئێزیدیان جه‌ژنى چارشه‌مبا سوور گه‌رمترین پیرۆزبایى خۆمان ئاراسته‌ى خوشك و برا ئێزیدیه‌كانمان له‌هه‌رێمى كوردستان و ناوچه‌ دابڕاوه‌كان و گشت عیراق و جیهان ده‌كه‌ین.

ئێزیدیه‌كان كوردى ره‌سه‌نن و به‌درێژایى مێژوو له‌سه‌ر ئه‌م خاكه‌ ژیاون و هه‌میشه‌ به‌شێكى دانه‌بڕاوو تێكۆشه‌ر بوون و له‌ بزاڤى رزگاریخوازى كوردستان دا رۆڵى خۆیان گێڕاوه‌و له‌لایه‌ن رژێمه‌كانیشه‌وه‌ به‌هۆى ئایین و ره‌چه‌ڵه‌ك و نه‌ته‌وه‌یانه‌وه‌ زوڵم و چه‌وساندنه‌وه‌یه‌كى بێ ئه‌ندازه‌یان بینیوه‌و ئازار و ناخۆشیى زۆریان چه‌شتووه‌، هه‌ر بۆیه‌ شایسته‌ى رێز و پێزانین و خزمه‌تى زیاترن.

هاوكات بۆیه‌كه‌مجاره‌ كه‌ جه‌ژنى سه‌رى ساڵى ئێزیدى به‌ فه‌رمیی له‌لایه‌ن په‌رله‌مانى كوردستانه‌وه‌ بوو به‌ پشووى فه‌رمیى له‌ هه‌رێمى كوردستان به‌م بۆنه‌یه‌شه‌وه‌ پیرۆزبایی ئاراسته‌ى خوشك و برایانى ئێزیدى ده‌كه‌ین و گه‌لى كوردستانیش هاوبه‌شیی ئه‌م جه‌ژنه‌یان ده‌كه‌ن.

له‌خواى گه‌وره‌ داواكارین ئه‌و جه‌ژنه‌ و هه‌موو جه‌ژن و یاده‌وه‌ریه‌كیان به‌خۆشیى و به‌خته‌وه‌رى بۆ بگه‌رێته‌وه‌و به‌ هیواو ئاواته‌كانیان بگه‌ن.

دووباره‌ پیرۆزبایى له‌خوشك و برایانى ئێزیدى و ته‌واوى گه‌لى كوردستان ده‌كه‌ین و هیوادارین هه‌موو ساڵێك به‌خۆشیی و شادى ئه‌م یاده‌ بكه‌نه‌وه‌





دكتۆر كه‌مال كه‌ركوكى

سه‌رۆكى په‌رله‌مانى كوردستان

سێشه‌ممه‌ 19ى نیسانى 2011