سەرۆكی هەرێمی كوردستان پێشوازی لە پارێزگاری نوێی كەركووك دەكات
لە دیدارێكدا ، سەرۆك بارزانی وێرای پیرۆزبایكردن لە پارێزگاری نوێ بە بۆنەی دەستبەكاربوونیەوە ، پشتگیری خۆی بۆ دەربڕی و داوای لێكرد بە كردەوە پارێزگای كەركووك بكاتە پارێزگای پێكەو ژیانی برایانەی نێوان سەرجەم پێكهاتەكانی و باشترین خزمەتگوزاریش پێشكەشی دانیشتووانی پارێزگاكە بكات.
لە بەرامبەردا ، پارێزگاری نوێی كەركووك سوپاسی سەرۆك بارزانی كرد بۆ ئەم هەڵوێستە و تەئكیدیشی لەوەكردەوە كە هەموو هەوڵ و تەقەللاكانی خۆی دەخاتە گەڕ لە جێبەجێكردنی ئەم داوایە و چارەسەركردنی گیروگرفتەكانی پارێزگاكە و پێشكەشكردنی خزمەتگوزاری پێویست بە خەڵكەكەی .
