پێشنیوه‌رۆى ئه‌مرۆ 27\\3\\2011 به‌رێز د. به‌رهه‌م ساڵح سه‌رۆكى حكومه‌تى هه‌رێمى كوردستان پێشوازیكرد له‌ ژه‌نه‌راڵ پێر كینز فه‌رمانده‌ى هێزه‌كانى ئه‌مریكا له‌باكورى عێراق و وه‌فدێكى یاوه‌رى.

له‌دیدارێكدا كه‌ به‌رێز شێخ جه‌عفه‌ر مسته‌فا وه‌زیرى پێشمه‌رگه‌ ئاماده‌ى بو گفتوگۆكرا ده‌رباره‌ى بارودۆخى سیاسى عێراق و كوردستان و دوا گۆرانكارى و پێشهاته‌كان.

هه‌ر له‌ودیداره‌دا ته‌ئكید له‌سه‌رهه‌ماهه‌نگى و هاوكارى نێوان هێزى پێشمه‌رگه‌ و هێزه‌كانى سوپاى ئه‌مریكا كرایه‌وه‌ بۆ پاراستن و به‌رقه‌رارى هێمنی و ئاسایش له‌ناوچه‌كه‌دا، هه‌ردولا هاورابون له‌سه‌ر زیاتر پته‌وكردنى په‌یوه‌ندیه‌ سه‌ربازى و ئه‌منیه‌كان و به‌رده‌وام بونى هێزه‌كانى سوپاى ئه‌مریكا له‌سه‌ر هاریكاریكردنى هێزى پێشمه‌رگه‌ى كوردستان بۆ یه‌كخستنه‌وه‌و پێكهێنانى سوپاى نیزامى یه‌كگرتوى كوردستان.