ژمارەیەک هاووڵاتیی بەغدای پایتەختی عێراق دژی پرۆژەیەکی وەبەرهێنانی بەرپرسێکی وڵاتەکەیان، خۆپیشاندان دەکەن.

ئەمڕۆ شەممە 16-1-2021، دەیان هاووڵاتیی بەغدا لەبەردەم پرۆژەیەکی نیشتەجێبوون لە ناوچەی سەیدییە خۆپیشاندانێکیان ساز کرد.

خۆپیشاندەران، کە شوقەیان لە پرۆژەکە کڕیوە، داوای وەرگرتنی شوقەکانیان دەکەن، کە ماوەیەکی زۆر بەسەر کاتی رادەستکردنیان تێپەڕیوە و ئیدارەیپرۆژەکە کەمتەرخەمی لە زوو تەواوکردنی، دەکات.

خۆپیشاندەران پێیانوایە ئەو پرۆژەیە ”پرۆژەی سیاسەتمەدارێکی عێراقییە“، بۆیە هێزە ئەمنییەکان بڵاوەیان بە خۆپیشاندەران کرد و رێگەیان بە رۆژنامەنووسان نەداوە رووماڵی خۆپیشاندانەکە بکەن.










باسنيوز