131 پەرلەمانتار یاداشتێک واژۆ دەکەن و تێیدا داوای دەست پێکردنەوەی کۆبوونەوەکانی پەرلەمانی عێراق دەکەن.

لە یاداشتەکەدا، کە ئاراستەی سەرۆکایەتیی پەرلەمانی عێراق کراوە، ئەو 131 پەرلەمانتارە پێیان وایە عێراق بە قۆناغێکی سەختی تەندروستی، ئەمنی، ئابووریی و سیاسیدا تێدەپەڕێت.

ئەو پەرلەمانتارانە داوایان لە سەرۆکایەتیی پەرلەمان کردووە کۆبوونەوە ئاساییەکانی پەرلەمان دەست پێبکاتەوە، بۆ ئەوەی رۆڵی خۆیان لە چاودێریکردنی حکوومەت و داڕشتنی یاساکان، بگێڕن.

پەرلەمانتارەکان بە ئاماژەکردن بە پێویستیی گرتنەبەری رێکارە تەندروستییەکان بۆ سەلامەتیی گیانی پەرلەمانتار و فەرمانبەرانی پەرلەمان، داوایان کردووە لە چەند رۆژی داهاتوودا کاتی دەست پێکردنەوەی کۆبوونەوەکان رابگەیەندرێت.

بەهۆی بڵاوبوونەوەی پەتای کۆرۆناوە، پەرلرمانی عێراق کۆبوونەوە ئاساییەکانی راگرتووە.

تا ئێستا دوو هەزار و 796 کەس لە عێراق (بەبێ هەرێمی کوردستان) تووشی پەتای کۆرۆنا بوون و لەو ژمارەیەشدا، 112 کەس گیانیان لەدەست داوە.









باسنيوز