پاش ئەوەی شەوی رابردوو لە شاری باقووبەی ناوەندی دیالە تەقینەوەیەک لە نێو چایخانەیەکدا روویدا، بەپێی ئامارە کۆتاییەکان، ھەشت ھاووڵاتی کوژران و ٢٠ کەسی دیکەش برینداربوون.

سەرچاوەیەک لە پۆلیسی دیالە بە ئاژانسی ھەواڵی پەیامنێری راگەیاند؛ درەنگانی شەوی رابردوو لە گەرەکی مامۆستایانی شاری باقووبە، بۆمبێکی چێندراو لە نێو چایخانەیەکدا تەقییەوە و بەھۆیەوە ھەشت ھاووڵاتی کوژران و ٢٠ کەسی دیکەش برینداربوون کە ژمارەیەکیان برینەکانیان سەختە.

ئەو سەرچاوەیە ئاماژەشیدا، تەقینەوەکە زیانی مادی زۆریشی بەو چایخانەیە گەیاندووە.