4ی‌ ئایار/ مایۆ (گوڵان میدیا)- له‌ كۆنگره‌یه‌كی رۆژنامه‌وانیدا له‌ به‌غدا میقداد شوره‌یفی سه‌رۆكی به‌ڕێوه‌بردنى هه‌ڵبژاردنه‌كان له‌ كۆمیسیۆنی باڵاى سه‌ربه‌خۆى هه‌ڵبژاردنه‌كان له‌ عیراق ئه‌نجامی كۆتایی هه‌ڵبژاردنه‌كانی ئه‌نجوومه‌نه‌كانى پارێزگه‌كانی عیراقی راگه‌یاند كه‌ له‌ 20ی نیسانی رابردوودا له‌ 12 پارێزگه‌ى ناوه‌ڕاست و باشوورى عیراقدا به‌ڕێوه‌چوو؛ له‌كاتێكدا كه‌ هه‌ڵبژاردنكانی پارێزگه‌ى نه‌ینه‌واو ئه‌نبار بۆ 4ى ته‌مووز دواخران؛ ئه‌نجامه‌كانیش به‌مشێوه‌یه‌ بوون.

لیسته‌یا هه‌ڤالبه‌ندا ده‌وله‌تا قانوونێ ل هه‌موو وان پارێزگه‌هان ب پله‌یا یه‌كه‌م ده‌ركه‌ت كو 101 كورسی بده‌ستخستنه‌، هه‌ڤالبه‌ندا وه‌لاتی ب سه‌رۆكاتیا عه‌ممار ئه‌لحه‌كیم ب پله‌یا دویه‌م ب 63 كورسیان هاتیه‌ و لیسته‌یا ئه‌حرار یا سه‌ر ب ئالیێ سه‌در ڤه‌ ب پله‌یا سێ یه‌م ب 52 كورسیان و لیسته‌یا هه‌ڤالبه‌ندا ئیراقیه‌ یا عه‌ره‌بی ب سه‌رۆكاتی یا سالح موتله‌گ 16 كورسی و لیسته‌یا یه‌كگرتووان ب سه‌رۆكاتیا ئوسامه‌ نوجه‌یفی 13 كورسی و لیسته‌یا پارتی یا ده‌عوه‌ یا رێخستی یا ناڤخوه‌ ده‌ه كورسی و لیسته‌یا وه‌فا ل نه‌جه‌ف ب سه‌رۆكاتیا عه‌دنان زه‌رفی 9 كورسی و كورسی یێن دن ژی ڤبه‌ر ب 25 لیستێن دن یێن بچووك كه‌تن ژبلی مینۆریته‌یان وه‌ك كریستیان، سابیئه‌، توركمه‌ن و كوردێن فه‌یلی ل به‌غدا و به‌سره‌ و میسان و واسیت و سه‌لاحه‌دین و دیاله‌.

ئه‌نجامێن پارێزگه‌ها دیاله‌ ژی ب ڤی ئاوایی بوون هه‌ڤپه‌یمانیا نشتیمانی یا دیاله‌ ب پله‌یا یه‌كه‌م 12 كورسی و لیسته‌یا ئیراقیه‌ ب 10 كورسیان ب پله‌یا دوویه‌م و هه‌ڤالبه‌ندا براتی و ب هه‌ڤره‌ ژیانێ 3 كورسی ب پله‌یا سێ یه‌م هاتیه‌ و لیسته‌یا یه‌كگرتوو یا ئیراقیه‌ ژی دو كورسی ب ده‌ستخستنه‌ و هه‌ریه‌ك ژ لیسته‌یا نیاز یا ئاڤاكرنێ و هه‌ڤالبه‌ندا نوو بێتر ژ یه‌ك كورسیێ ئانینه‌.